Ráðamenn Akureyrarbæjar hafa nú látið undan þrýstingi örfárra íbúa við Mýrarveg þess efnis að loka fyrir umferð bifreiða stærri en 12 tonn um Mýrarveg um helgar. Með þessu er verið að beina hluta flutninga til aðal byggingasvæðis Akureyringa í Naustahverfi, inn á Þórunarstræti og hluta Þingvallastrætis. Við þessar götur býr líka fólk eins og í nágrenni Mýravegs, einnig er þar staðsett dvalarheimili aldraðra, Sundlaug Akureyrar og tjaldstæði bæjarinns. Þetta verður til þess að flutningarinr fara um umferðarþyngri götur en ella þar sem þessir bílar verða frekar öðrum vegfarendum til trafala og ekki síst sjúkra- og slökviliði þar sem þessar götur eru helstu leiðir þeirra til neyðaraksturs. Þá má líka benda á að flutningarnir fara um lengri leið, sem leiðir til hærri kostnaðar fyrir húsbyggjendur og bæjarfélagið, meira slit á götum og meiri mengun af völdum útblásturs.

Það eru því engin sjánleg rök fyrir þessari ákvörðun, aðeins er verið að láta undan þrýstingi örfárra íbúa á kostnað fjöldans. Þetta er sjálfsagt það sem kallað er íbúalýðræði á Akureyri.