Í gær var lokið við síðustu pípusuðu í Reykjaveitu sem er 47 km niðurgrafin stofnlögn hitaveitu milli Illugastaða í Fnjóskadal og Grenivíkur. 5,3 km. af 150 mm einangruðu stálröri var lagt milli Illugastaða og Steinkirkju, en þaðan var lögð 125 mm lögn til Grenivíkur. Útlögn röra og pípusuða hófst 4. desember 2006, en vinna gekk rólega vegna veðurs og snjóa fram undir áramót. Vinna við skurðgröft hófst eftir áramót og 15. mars var búið að leggja 13 km. Gert var hlé á framkvæmdum í júní og júlí, en þá var búið að leggja lögnina að Þverá tæplega 30 km leið. Eftir er lítlsháttar yfirborðsfrágangur skurðstæðis sem verður lokið við á næstu dögum.